1 MES, 1 XOGO ( XOGADE)

" 1 MES, 1 XOGO"

Dende O PVAD e o Equipo de Dinamización da Lingua Galega, lanzamos a proposta " 1 MES, 1 XOGO". 

Queremos fomentar unha vida mais activa e saudable ao mesmo tempo que coñecemos e mantemos as nosas tradicións e cultura galega. Por iso, traballaremos un Xogo popular cada mes ao longo diste curso. Porque estamos perdendo a esencia da vida, o movemento e o xogo...e queremos que as nenas e nenos de agora, aprendan a xogar como antes. Porque ademais, o ovemento, o xogo tradicional e a cultura galega, forman parte do noso curriculo.

Primeiro traballaranse nas aulas, afondarase no xogo, regras, material, as cancións....co apoio do profesorado. Traballarase de maneira interdisciplinar e afondarase nas sesións de psicomotricidade e educación física. Unha vez practicado levarase ao tempo de lecer, como os recreos, fomentando desta maneira o ocio activo e uns recreos mais inclusivos. 

COMENZAMOS EN FEBREIRO CO XOGO DA MARIOLA OU TRUCO.

            

AVALIANDO A CONDICIÓN FÍSICA DO NOSO ALUMNADO

Dentro do PVAD e o Plan Proxecta, atopamos un importante test para avaliar a condición física do alumnado de educación primaria (TEST DAFIS). Os protocolos de valoración da condición física saudable contemplados en DAFIS pretenden medir aquelas cualidades físicas e psicomotoras que está demostrado cientificamente que gardan relación coa saúde e permite coñecer en que estado físico se atopa a persoa para decidir cales son os aspectos que necesitan melloras e cales non. 

Ao inicio deste curso académico, fixemos co alumnado de educación primaria un achegamento a estas probas/test e protocolos de valoración das capacidades físicas ( e condición física en xeral), como un primeiro contacto, para afondar mais nos vindeiros cursos e poder así ter una boa continuidade.  

Chamámoslle TEST PREFIT.

Medimos a composición corporal, a resistencia, velocidade, axilidade, forza e flexibilidade con probas adaptadas as idades e cursos, aproveitando as sesións de educación física. A día de hoxe, cada alumna e alumno ten a súa ficha de valoración. 

Ademáis, grazas a Diego, un profesor en prácticas de educación física e excelente profesional que nos axuda estes meses e que esta facendo un traballo de investigación da flexibilidade...puidemos facer varias probas para avaliar a flexibilidade. Tendo en conta que esta capacidade física é moi importante para previr lesións, enfermidades, manter unha boa postura corporal, forza e benestar en xeral...e senón a traballamos, involuciona e pérdese. 

Aquí podedes ver unhas fotiños das probas de flexibilidade: "flexión profunda" e o "Back saved seat and reach".